embracing the dharma II

lasing
hinehele
himig ng pagibig
agos ng emosyon

lumulutang
lumilipad
sa tuwing naririnig
pulso ay pumipintig

adik na
walang sawa
sa bawat tugtog
panibagong karanasan

naghihintay
nag-aabang
pakulo ng banda
laging may sorpresa

millare

nanunuot
bumabalot
boses na rumaragasa
baka tamaan, humanda

malamig
bumubuhos
parang naliligo
sa apoy at yelo

tahimik
misteryosa
matipid sa salita
nangungusap na mata

luha
hiwaga
hikbi mo'y akin
tangis mo'y akin rin

yap

malalim
mausok
tunay na talentado
minsan mahirap matarok

pikit mata
damang dama
kapag tumutugtog
tumitindig ang balahibo

nahahatak
lapit pa
para akong hinihila
ng iyong mga talinhaga

iyong
sapantaha
nais kong masilip
laman ng puso't isip

mayor

hampas
hagupit
mga palong mabilis
halos walang mintis

naglalaho
sa hangin
kamay na matulin
di akalaing kayang gawin

musika
trabaho
dumadaloy sa iyong dugo
nahihilo umiikot nahihilo

hinay lang
kalma lang
ingatan ang katawan
para kang isang chubibo

tañada

naglalayag
lumalangoy
sisirin na ang dagat
gitara mong dumadaloy

harana
panatag
alingawngaw sa isip
hanggang sa pagtulog

sige lang
masaya
walang takot sumubok
mga eksperimentong tunog

kwento
diwa
naipapahiwatig
kahit walang salita

dharma

apat na mortal
pinagbuklod ng musika
ito ang kanilang tirahan
lumalabas sa bawat hininga

cha 050306