titig

by chigo (from the compilations of "para kay diwata)

kada minuto
kumukurap ako
nakatingin sa malayo

nakangiti, sisimangot
maluluha, nabuburaot
unti-unting ibabangon ang sarili
sumisigaw ang kalooban
at di na magsisisi

mga bagong nakaraan
mga lumang kinabukasan
pilit kong inuunawaan
bakit ako nilisan

bukas, o sa makalawa
babalik na naman ako dito
sa lugar na madalas lubugan ng araw
sa upuan na madalas kong dinadalaw

titigan mo akong muli
kahit marami kang pighati
bigyan mo pa ako ng sandali
palitawin natin sa mukha mo
ang iyong dating ngiti.

si lois

by chigo (from the compilations of "para kay diwata")

nalulungkot
pero marunong pa rin
ngumiti

matapang
pero may takot sa
Diyos

tahimik
pero marunong
makisama

taga tandang sora
pero sa gimmick
kahit saan, game sya!

si lois
ang kaibigan
ng diwata

siya ang ngiti
halakhak, karamay
at sandalan

magkaroon ka ng
tulad nya,
huwag ng bibitawan

si lois.(bow)